Friday, October 08, 2010

《與全桶不符》



《與全桶不符》

12:30pm 到家鄉雞店買八舊雞,對店員說:一半辣,一半唔辣;一半要雞鎚,一半要雞胸。拎走。店員說:唔辣的有雞胸,但辣的冇雞胸,但有辣的雞上脾,冇辣的雞胸。好,唔該,拎走!

2:00 pm 回到Studio,打開雞全桶,一隻油雞正在吊頸自殺,我沒有阻止,佢條頸咁長,好難阻止。由佢,佢後來成功左,都恭喜佢。但我冇左份午餐,就肚餓。咁啱架,不如就食左隻油雞。又幾好食喎,估唔到。

2:15pm 食雞,最好睇攝影雜誌。咁多份,又《Klack》又《與身份不符》又《攝影雜誌》又《麻雀》,逐份睇。食人唔Leun骨,但食雞梗係有骨,講野都有,咪撕幾頁出來薦骨咯,唔識睇咪又係紙一張。《攝影雜誌》同《與身份不符》最好,都幾索油,透哂;《Klack》就冇咁索,但勝在夠乾淨;《麻雀》最離譜,成個面油淋淋,D油墨又黑麻麻,好污糟。

4:00pm 成個全桶食哂,好飽,成八件雞,想嘔;但又冇嘔喎。食飽要影野啦,有D精子十字架,有D紙巾之類,都係咁,有咩好講,仲有兩條白繩囉。

9:00pm 影哂!

圖輯與文章刊載於《與傳統不符》

4 comments:

Edwin said...

倫敦Whitechapel站間 KFC, 幾年前幫襯過, 大大桶幾抵食. 不過離你果度好似遠左 D.

Fotopiggie said...

哈,又玩食字!^^《麻雀》唔係一定要用來薦骨嘅,食得㗎!

波夫波的廁旁手記 said...

hi Edwin,
嘩,謝謝提供.估唔到你仲記得!仲有d咩又平又好食的地方呢?哈哈,窮學生係咁啦......:)

hi fotopiggie,
哈哈,係呀,爛gag攝影! 咁不如你影一輯如何烹調《麻雀》啦~~ ^^

Edwin said...

波兄:

最重要的當然是去唐人街的旺記啦, 聽果度 D 伙計無厘頭咁去鬧人客, 真係香港留學生的最佳娛樂