Black and White Photography (May 2005)

Black and White Photography (May 2005)封面專題介紹英國攝影師Brian Griffin在冰島舉行的展覽, 從他在30年的攝影創作中選取126張照片展出. 專文從"influence"切入, 就談談他創作所受的影響. 整體歸納有以下幾點:
1) 他的太太, 冰島設計師及model Brynja Sverrisdottir, 以及冰島的地理文化傳統.
2) 超現實主義及表現主義油畫; 19世紀德國浪漫主義藝術家Casper David Friedrich.
3) 1910s及1920s年代的德國電影導演, 包括Fritz Lang(費朗茲; <大都會>導演)及FW Murnau(茂惱; <吸血疆屍>導演) 打破常規的誇張佈光,影像及剪接, 以及他們表現主義的手法.
4) 德國表現主義又帶領他去欣賞Otto Dix, George Grosz 與 Egon Schiele的油畫作品.
5) 蘇聯電影導演如Tarkovsky.
6) Franz Kafka(卡夫卡; <變形記>作者)的小說, 啟發他場景設計的模式.
Brian說: "One absorb an influence, you can't look at an image of say an Expressionist or Surrealist painter and simply recreate it. You soak in it and then it's in there, permeating like water running between lava before going underground"
最後他提到將會拍攝Iceland的人物肖像. 我們又拭目以待.
看來, 我們得學習Brian好學及不斷學習的精神, 但給人最後的啟發應該是:先娶個冰島老婆吧!

易香人系列之二: 易香人的結構

易香人系列之二: 易香人的結構(the Structure of YiHongYan)
姓名:易香人. 易香, 即易死(easy to die). 香, 英文拼音是hong, 與香港(hong kong)的拼法一樣, 又與前名嘴的口音一樣.
電碼解讀:
0001: 長江實業股票編號, 由媽媽遺傳; 她好早已崇拜李嘉誠, 發夢都話: 如果我以前嚮潮洲鄉下同佢行埋就好咯! 而家唯有透過買長實股票, 同佢有一手(1000股)!
1818: 爸爸的幸運號碼, 取其"實發實發"的意思, 由爸爸遺傳; 佢每次買六合彩必然買18號, 每條都要有, 每次都會話: 超! D冧巴成日跌歪左!! 馬會成日出千!! 挑!
8888: 爸爸媽媽的共同遺傳. 佢地嚮香港土生土長, 所以都係香港共同遺傳, 最重要係: 發發發發!
身體結構: 香港舊式身份證, 過膠式, 將慢慢被新的智能身份證取代. 詳情請到人民入境事務處查詢.
身體狀況: 患上先天性易死病, 對環境的刺激異常敏感, 稍受刺激便會猝死. 但相對, 也易於重生.

易香人系列之一: 易香人的誕生

易香人系列之一: 易香人的誕生 (The Birth of Yi Hong Yan)
易香人出世了!
醫生: 恭喜你地, BB係個既男既女!
妻子: 好喎! 第日又可以收禮金, 又可以有分豬肉!
醫生: well, actually, 佢係一張香港身份證!
丈夫: 嘩!!咁就好啦, 連幾百蚊都慳番!
醫生: 哦...你地歡喜就好, 不過張身份證係舊款過膠0個種.
妻子(皺眉): 唔係智能身份證?
醫生: 唔係.
丈夫: 哎呀, 第日要換又要蝕水! 正敗家仔!
醫生: 佢唔係仔. 佢係仔又係女.
妻子: 老公, 算啦, 賺左D禮金都好啦! 咁醫生, 我地呢D唔識字的, 想問下你意見, 佢改咩名好?
丈夫: 仲駛問, 梗係叫發達, 發財, 多錢之類啦......
醫生: 唔, 事實上, 佢身份證上已經有個名, 叫"易香人".
丈夫妻子同聲: 睬!!睬!!睬!! 香香聲, 咁難聽!
妻子: 哎,易香易香, 貪好聽咩!
丈夫: 唔得, 我要改名!
醫生: 呢種天生身份證要改名, 可能手續上比較麻煩, 又要好多錢......況且......
丈夫: 況且咩呀?
醫生: 況且, 呢個名都反映左佢的身體情況......
妻子: 下? 醫生, 個BB做咩事呀? 唔好嚇我......
醫生: 佢患左天生易死病, 身體非常脆弱, 隨時都會有離世的危險.
妻子: 醫生醫生......你要救下佢呀!!
醫生: 對唔住, 你冷靜D先, 呢個病係冇得醫的, 表面上, 身體機能係冇問題的, 只要唔好俾佢受刺激, 佢都可以一樣健康成長.
丈夫: 既然醫生話冇事, 就唔好醫啦, 又要錢......名都唔好改啦. 佢咁瘦, 應該食好少野ma,醫生?
醫生: 係呀, 基本上, 佢只係一張過膠的紙, 所以唔駛點食野.
丈夫: 哦, 總算你個衰仔有番D用!!
醫生: 佢唔係仔, 佢係仔又係女!

9.6.2005 青衣公園

9.6.2005 青衣公園
如果中國內地的農夫見到青衣公園這情況, 大概感到驚訝, 心想為什麼那些草都被切食一塊塊, 然後用尼龍繩紥成一團團 , 莫非是秋天收成豐收了? 於是你就立即向他解釋: 阿伯, 這是公園鋪草皮的情況, 他們先在一個地方培養一堆方格草皮, 養好了然後再鋪到另一個地方. 拿, 後面那塊便是鋪好了的草皮咯!!幾咁綠! 幾咁平滑! 內地農夫依然一臉疑惑, 你就加多兩錢肉緊話: 唏, 呢D係高質素高文明的方式, 直接從地裡種出來就唔值錢啦! 你睇下D菜幾平? 香港人屋企就鋪地氈, 公園就鋪草皮, 駛咩講?! 內地農夫終於開口說:你可不可以用普通話? 我聽不懂.

<香港風格>與東英大廈

華人置業宣布，計劃將尖沙嘴東英大廈拆卸重建，預計費用將需8億至10億元。 華人置業表示，集團在2003年以10億元購入東英大廈，樓齡約40年，重建後樓面面積約為40萬呎，預計工程需時3年。
胡恩威在<香港風格>一書裡剛好就淺談過東英大廈. 他是這樣形容的 (節錄):
最近路過尖沙咀, 想起往日在東英大廈的經驗, 舊地重遊, 發覺沒有現在典型暴發戶式的雲石水晶燈裝修, 樓上辦公室面向九龍公園的景色仍然十分優美.......
東英大廈採用的高樓大廈設計語言是很好的教材, 包括:現代主義物料應用的法則, 中國文字幾何圖像與西方現代建築的結合, 街道比例與建築高樓大小之關係等.......其設計的經典水平足以成為香港的文化遺產, 也是香港人集體記憶的一部份.

20.5.2005 昂平

20.5.2005 昂平
關於特首候選人曾蔭權的人頭, 各界都有不同的意見. A政客說他是港英時代培訓出來的政務官, 他的頭一定只懂說英文的"bull shit"而不懂講中文的"廢話". B政客說他的言論比董建華更保守, 他頭後面的頸肉一定仲厚過董先生. C調查說他的民望拋離另外兩位候選人, 他的頭一定冇腦兼好輕先可以拋離咁遠. D委員說曾先生廉潔清白, 他一定成日洗頭兼刷牙. E市民說他唔參加競選論壇, 他的頭一定裝得好鬆, 唔識辯論時攪到頭拎拎會好易跌個頭落來. F阿伯被問他及對曾蔭權的睇法, 阿伯不屑就話: 挑!憎憎憎, 曾蔭權個頭! F阿伯果然一矢中的!

29.5.2005 維多利亞公園

29.5.2005 維多利亞公園
Richard Pipes在<共產主義簡史>一書中提到, 馬克思主義當年竟然在蘇聯落地生根, 簡直是匪夷所思, 因為那時蘇聯根本還未開始工業發展, 它基本上只是個農業國家; 連所謂的"工人階級"都子虛烏有, 還談什麼被壓逼的勞工要向資本階級鬥爭? 結果, 後來參與革命的成員, 都是崇尚烏托邦社會的知識份子, 以及作者口中仇恨心強的列寧在作崇, 而不是勞工階層.
另一點有趣的發展是, 當列寧掌權後, 要重新分配全國資產以實行共產制度, 於是推行大量的國有化政策, 結果造成龐大的官僚架構, 在1928年, 官僚架構成員是四百萬人, 連他自己也感到頭痛. 一方面要推行國有化要運用大量人手, 但另一方面, 卻又由於過於龐大而無法控制, 至使產生了眾多特權及擁護個人利益者. 這導致了整體經濟必然放緩.
這本書讓人覺得, 這段共產主義歷史, 就像凍檸茶放錯了鹽, 原來的樣子都被扭曲和踐踏了, 馬克思主義要讓社會更平等的理想卻落得如此下場. 世界是荒謬的, 就如共產黨徽被放在維多利亞公園的棺材上, 真不知是帝國主義真的勝了, 還是共產主義真的死了.