Thursday, November 17, 2005

澳門第四屆「東亞運動會」後記 (四)

我對運動沒太大興趣, 只當是一種功能性活動 (是具功能性的活動, 不是具功能的性活動, 更不是具性功能的活動!), 即譬如強身健體, 止咳化痰, 通便易疴等等. 但有趣的是, 即使你那天有幾唔想打波, 但打打下還是會投入落去, 最終打到一身臭汗, 再攬住個女友咁……

咁同影相就有D似啦, 即使你那天狀態幾唔好, 幾唔想影相, 但影影下還是會投入落去 (影得好唔好係另一回事), 最終影到一身臭汗, 再攬住部相機……

所謂興趣, 有時是培養出來的; 可惜做人做了27年, 還是未培養到對體育狂熱的興趣. 我相信有時是一種緣份, 一種好像觸電的感覺, 只要 “click”一下, 就會愛上它. 但不愛, 還是可以接觸它, 輕撫它, 了解它, 了解它的規則和玩法, 對拍攝體育還是有其幫助, 至少可以安排採用哪種策略拍攝.

尤記得中學時代, 我都有參與學校的足球隊, 有一個阿sir望著我跑步後, 就跟另一個阿sir說: "你看, 有些人真的無體育細胞的, 跑成咁......" 哈, 我當然不介意, 這是事實.

對於要投入體育, 愛上體育才能拍到好的體育照片, 我暫不能理解, 或者我對世界本來就不投入, 所以經常並不聚焦在世界的這邊, 而留在那邊了.

對於想不想拍好照片這問題, 我當然想拍好照片, 但這個「好」是哪個標準的「好」呢? 我既想拍世界標準的好照片, 也想拍自己喜歡的照片, 而我相信, 後者比前者更重要.

或者, 我仍太過理想了.

No comments: